Google Android tizimida ishlovchi telefon foydalanuvchilarini kuzatadi. Hatto SIM-karta olinganda ham

Android operatsion tizimida ishlovchi mobil qurilmalar yaqin oradagi uyali aloqa minoralari haqidagi ma’lumotlarni to‘playdi va Google’ga yuboradi. Bu haqda Meduza xabar bermoqda. 

Bunday ma’lumotlarni to‘plash hatto chiqarib olingan SIM-kartali va geolokatsiyasi o‘chirib qo‘yilgan qurilmalarda ham olib boriladi.

Google Cell ID — uyali aloqa minoralari identifikatorlari to‘g‘risida ma’lumot to‘planishi va bu 2017-yildan boshlanganini tasdiqladi. Kompaniya mazkur manbalar matnli xabarlar yetkazish sifatini yaxshilash uchungina to‘planishi va kelgusida saqlanmasligi, bundan noyabr oxiriga qadar voz kechilishini bildirdi. 

Ma’lumot uchun, Cell ID ma’lumotlari foydalanuvchilar manzilini aniqlash va ularning harakatlanish yo‘nalishini kuzatib borish imkonini beradi.