Istanbul politsiyasi 10-noyabr, jumaga o‘tar kechasi 82 nafar chet el fuqarosini hibsga oldi. Ular IShID terrorchi guruhiga aloqadorlikda gumon qilinmoqda, deb xabar beradi “Interfaks”.
Tergov versiyasiga ko‘ra, hibsga olinganlar Suriyaga o‘tib, IShID saflariga qo‘shilishni rejalashtirgan.
Hibsga olishlar Istanbulning bir necha tumanlarida bo‘lib o‘tdi. Ushlanganlarning ishlari sudga oshiriladi.
Bundan tashqari, Adana viloyatida suriyalik 11 kishi IShIDga aloqadorlik gumoni bilan ushlandi.
2016-yil avgustidan buyon Istanbul politsiyasi terrorchilarga qarshi yuzdan ortiq operatsiya o‘tkazdi. Operatsiyalar doirasida mingga yaqin gumondor ushlandi.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Izoh (0)