Markaziy razvedka boshqarmasining AQSh sobiq prezidenti Jon Kennedining qotili Li Xarvi Osvald bilan aloqasi yo‘q, deb xabar berdi “RIA Novosti”.
1975-yilgi Markaziy razvedka boshqarmasi memorandumida ta’kidlanganidek, Osvaldning boshqarma bilan munosabati haqidagi mish-mishlar “butunlay asossiz”. Bu kabi xulosaga MRBning 1970-yillardagi arxivlarini batafsil o‘rganish natijasida kelingan. Osvaldning boshqa bir Amerika maxsus xizmatlari bilan hamkorligini isbotlovchi birorta dalil ham topilmagan.
Shuningdek, ma’lum bo‘lishicha, MRB Osvaldni u AQShning 35-prezidentini o‘ldirgach, SSSRga yashirinishga harakat qilishda gumonlangan. “U Sobiq Ittifoqqa tinch yo‘l bilan ko‘chib o‘tish haqida o‘ylagan, biroq prezident o‘ldirilganidan so‘ng, tezda qochish maqsadida hujjat olish jarayonida qatnashgan”, — deyiladi MRBning 1963-yil 24-noyabridagi hujjatida.
Jon Kennedi ikki yildan ortiqroq vaqt AQShga rahbarlik qilgan va u 1963-yilning 22-noyabrida Dallasdagi safari vaqtida uyushtirilgan suiqasd oqibatida halok bo‘lgan.
Izoh (0)