Toshkentning Jinoiy ishlar bo‘yicha Shayxontohur tuman sudi O‘zbekiston Sog‘liqni saqlash vazirligi huzuridagi Respublika onkologiya ilmiy markazining sobiq mansabdor shaxslariga nisbatan jinoyat ishini ko‘rib chiqmoqda, deb yozadi “Gazeta.uz”.
Ish 21-aprel kuni Jinoyat kodeksining o‘zlashtirib olish yoki sarflab yuborish yo‘li bilan o‘g‘irlaganlik (167), hokimiyatni yoki xizmat vakolatini suiiste’mol qilganlik (205), budjet va smeta-shtat tartibini buzganlik (184-1), qalbakilashtirish (209) kabi to‘rtta modda bo‘yicha qo‘zg‘atilgan.
Dastlabki tergov 30-avgust kuni yakunlangan, ayblov xulosasi tasdiqlangach, ish Jinoyat ishlari bo‘yicha shahar sudiga yuborilgan. Ayni paytda u Jinoiy ishlar bo‘yicha Shayxontohur tuman sudi tomonidan ko‘rib chiqilmoqda.
Nashr Sog‘liqni saqlash vazirligidagi manbasiga tayanib ma’lum qilishicha, jinoiy ish markazning sobiq direktori Sarimbek Navro‘zov, shuningdek, bosh hisobchi va moliyaviy-iqtisodiy boshqarma direktoriga nisbatan qo‘zg‘atilgan.
Izoh (0)