O‘zbekistonga ijtimoiy ahamiyatli dorilarni nafaqat mahalliy, balki xorijiy kompaniyalar ham yetkazib berishi mumkin, import miqdori cheklanmaydi. Bu O‘zbekiston Prezidenti Shavkat Mirziyoyevning “O‘zbekiston Respublikasining ayrim hujjatlariga o‘zgartirish va qo‘shimchalar kiritish to‘g‘risida”gi Farmonida ko‘zda tutilgan, deya xabar beradi Norma.
Oldin belgilangan narxlar bo‘yicha sotiladigan ijtimoiy ahamiyatli dorilar va tibbiy mahsulotlar importi Tashqi savdo vazirligi tomonidan mahalliy ulgurji va ulgurji-chakana savdo kompaniyalari o‘rtasida Sog‘liqni saqlash vazirligi tomonidan aniqlanadigan kvotalar chegarasida o‘tkaziladigan tender bo‘yicha amalga oshirilardi.
Endi Tashqi savdo vazirligi tender o‘rniga har chorakda faqat jahon narxlari kon’yunkturasi tahlilini o‘tkazadi va maxsus respublika komissiyasiga ijtimoiy ahamiyatli dorilar va tibbiyot buyumlarining oxirgi yo‘l qo‘yiladigan import shartnoma qiymati bo‘yicha takliflar kiritadi.
Takliflarni tashqi savdo, iqtisodiyot, moliya, sog‘liqni saqlash vazirliklari hamda Markaziy bank va Davlat raqobat qo‘mitasining vakillaridan iborat ishchi guruh ko‘rib chiqadi. Ishchi guruh hisob-kitobi asosida Respublika komissiyasi import shartnomalari bo‘yicha oxirgi yo‘l qo‘yiladigan qiymatlarni belgilaydi.
Bundan yuqori bo‘lgan narxlarda tovarni yetkazib berish bo‘yicha import shartnomalari tuzish ta’qiqlanadi.
Mazkur toifadagi tovarlarni faqat mahalliy ulgurji va ulgurji-chakana savdo kompaniyalari tomonidan import qilinishi to‘g‘risidagi talablar hamda Sog‘liqni saqlash vazirligi tomonidan kvotalash mumkin emas.
Izoh (0)