APLda ta’qibchilarini ortda qoldirayotgan Manchester shahrining ikki jamoasi Yevropa Chempionlar Ligasida 100 foizlik natija qayd etishda davom etdi.
Mourinyo va “Yunayted” Chempionlar Ligasi guruh bosqichida muddatidan avval peshqadam bo‘lib ulgurdi
Bir kun avval “Yunayted” o‘z maydonida “Benfika”ni taslim qilgan bo‘lsa, endi “Siti” Neapolda “Napoli” darvozasiga 4 ta gol urdi. Mezbonlar Gvardiola jamoasiga qarshi tahminan 1 soat davomida teng kurash olib bordi. Qolganiga esa APL yetakchisi A seriya yetakchisiga imkoniyat qoldirmadi.Tomonlarning Etihad arenasida kechgan dastlabki o‘yinida “shaharliklar” 2:1 hisobida ustun kelgandi. “Napoli” bunga qadar “Shaxtyor”dan ham yengilgani inobatga olinsa, Sarri shogirdlarining pley-offga yo‘l olishi masalasi so‘roq ostida turibdi.
Ukraina yetakchisi esa Gollandiyadagi g‘alabani yurishi davom ettirib, “Feyenoord”ni bu safar 2 ta gol farqi bilan taslim qilishga erishdi. Ushbu klub uchun hal qiluvchi bellashuv 21-noyabr kuni “San Paolo” stadionida “Napoli”ga qarshi o‘tadi.
Yevropa Chempionlar Ligasi “F” guruhi. 4-tur o‘yinlari 1-noyabr, chorshanba
“Napoli” — “Manchester Siti” 2:4
Gollar: Lorenso Insinye, 21 (1:0). Nikolas Otamendi, 34 (1:1). Jon Stounz, 48 (1:2). Jorjinyo, 62-pen (2:2). Serxio Aguero, 69 (2:3). Rahim Sterling, 92+ (2:4).“Shaxtyor” — “Feyenoord” 3:1
Gollar: Nikolay Yorgensen, 12 (0:1). Fakundo Ferreyra, 14 (1:1). Marlos, 17 (2:1). Marlos, 68 (3:1).
Izoh (0)