AQSh harbiy-dengiz kuchlarining Guantanamodagi bazasi tribunali general Jon Beykerni uch haftalik qamoqqa va ming dollar jarimaga hukm qildi. U sudga hurmatsizlik qilishda aybdor topildi, deb xabar qildi The Express.
Qamoq muxlatini zobit maxsus qamoqda emas, kazarmada o‘taydi.
Beyker Kubada joylashgan maxsus qamoq mahbuslarining yuridik himoyasi uchun javob berardi. “Al-Qoida” yetakchilaridan biri bo‘lgan mahbus Abdulrahim an-Noshiriy va uning uch nafar advokati orasida ixtilof kelib chiqdi: himoyachilar axloq-odob prinsiplari nuqtai nazaridan u bilan ishlashdan bosh tortdi, shuningdek, ular mijoz bilan suhbat chog‘ida konfidensiallik buzilganini gumon qilmoqda.
Beyker ularga an-Noshiriy manfaatlarini himoya qilishdan bosh tortishni rasmiylashtirishga yordam berdi. Ammo harbiy-havo kuchlari polkovnigi, sudya Vens Spat bu qarorga qarshi chiqdi va advokatlarga bazaga yetib kelishni yoxud telekonferensiya uyushtirishni topshirdi. General advokatlarni chaqirishdan bosh tortdi va buning uchun jazolandi.
Izoh (0)