Tesla kompaniyasi dunyodagi eng katta Supercharger quvvatlantirish kompleksini ochdi. Bu haqda Insideevs’ga tayanib, “Motor” xabar berdi.
Stansiya Shanxayda joylashgan bo‘lib, bir vaqtning o‘zida yuzta avtomobilni quvvatlantira oladi.
Shanxaydagi Lilac International biznes-markzasining yer osti avtoturargohiga har biri 2 ta avtomobilga xizmat ko‘rsata oladigan 50 ta Supercharger stansiyasi o‘rnatildi. Quvvatlantirish kompleksi haftasiga yetti kun, kuniga 24 soat ishlaydi. Tesla joriy yilning oxiriga qadar Xitoyda mingta Supercharger nuqtalarini ochishni rejalashtirmoqda.
Bunga qadar eng yirik Supercharger tarmog‘i Norevegiyada edi — 20 ta quvvatlantirish nuqtasi. Shuningdek, hozirgi vaqtda Kaliforniyada 40 ta o‘ringa mo‘ljallangan kompleks qurilmoqda.
Hozirda umumiy miqdorda dunyo bo‘ylab 1032 ta Supercharger stansiyalari faoliyat ko‘rsatayotgan bo‘lib, ular Shimoliy Koreya, Yevropa, Osiyo va Avstraliyada joylashgan.
Avvaliga Tesla avtomobillari uchun quvvatlantirish bepul edi, biroq 2017-yilning yanvaridan boshlab mashina egalari Supercharger’dan foydalanganining har daqiqasi yoki kilovatt-soati uchun pul to‘lashlariga to‘g‘ri keladi.
Izoh (0)