27-oktabr kuni Toshkentning Mirzo Ulug‘bek tumanida joylashgan 232-sonli maktabgacha ta’lim muassasasining hududi teng ikkiga bo‘linib, ishchilar uni chegaralashga kirishib ketdi, deb xabar berdi “Pravda Vostoka”.
Tuman hokimligi xodimi Hamidulla Hojimatov ajratilgan hudud ochiq avtoturargohga aylantirilishini ma’lum qilgan. Hokimiyatning bolalar bog‘chasi hududlarini avtoturargohlarga aylantirish bo‘yicha ruxsatnomasi bormi, deya berilgan savolga u jim turishni afzal ko‘rdi.
Farzandlari ushbu bog‘chaga qatnaydigan atrofdagi aholini bir savol qiynamoqda “Kim va nima asosga ko‘ra maktabgacha ta’lim muassasasining hududini tortib olishga va unda avtoturatgoh qurishga ruxsat berdi?”.
Izoh (0)