Qo‘shma Shtatlar IShID ustidan g‘alaba qozonmaguncha Iroqni tark etishni rejalashtirmagan. Bu haqda AQSh Davlat kotibi Reks Tillerson senatning xalqaro ishlar bo‘yicha qo‘mitasidagi eshituvlarda chog‘ida ma’lum qildi, deya xabar beradi “Korrespondent.net”.
Eshituvlarda senatorlardan biri mamlakatni tark etish so‘ralganida AQSh Iroqda qolish-qolmasligi haqida so‘radi.
“Biz IShIDni yo‘q qilmaguncha Iroqda qolamiz. Biz u yerda mahalliy hukumat taklifi bilan bo‘lib turibmiz. Iroq bosh vaziri Amerika kuchlari Iroqni tark etishi kerakligi haqida gapirganini eshitmadim”, — dedi Tillerson.
Eslatib o‘tamiz, oldinroq Iroq bosh vaziri Haydar al-Obodiy Iroq yil oxirigacha IShID jangarilaridan tozalanishini ma’lum qilgandi.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Izoh (0)