31-oktabrning e’tiborga molik yangiliklari — “Daryo”ning kechki dayjestida.
1. Shavkat Mirziyoyev — soliqchilarga: “O‘g‘ri bo‘l, insofli bo‘l”. Iyun oyida Farg‘onada bo‘lgan yig‘ilishning avval e’lon qilinmagan qismi videosi ijtimoiy tarmoqlarda paydo bo‘ldi.
2. Jasur Ibrohimovning o‘limida aybdor deb topilgan Islombek To‘laganov: O‘zbekiston Prezidenti va xalqidan uzr so‘rayman. Sudya Matjonov esa aybdor nima uchun aynan olti yilga “kesilgani”ni tushuntirdi.
3. Namangan shahri chorrahalaridagi kameralar 1-noyabrdan qoidabuzarliklarni qayd etishni boshlaydi. Bu kameralar nafaqat qizil chiroq va yuqori tezlikka, balki chiziq bosganga ham jarima yozadi.
4. AQShning O‘zbekistondagi elchixonasida viza berish xizmati uchun to‘lovlar faqat naqd dollarda amalga oshiriladi. Viza uchun naqd dollarlarni qayerdan olish mumkinligiga na AQSH va na O‘zbekiston rasmiylari aniqlik kiritgan.
5. Futbol jurnalistlari 12 talik liga taklif qilgani rost. Biroq O‘FF va PFL umuman boshqa yo‘ldan yurgani ham haqiqat. Bu yangilikni huquqshunoslar “korrupsiya sari yo‘l” deb atadi, Vadim Abramov va Igor Shkvirin esa xafa.
Izoh (0)