Avstriya huquq-tartibot idoralari qo‘shnilarini otib tashlagan va o‘rmonda yashiringan 66 yoshli erkakni qidirmoqda. Bu haqda “Gazeta.ru” xabar berdi.
Karabin bilan qurollangan avstriyalik Grats shahri yaqinidagi Shtivoll kommunasida qirg‘in uyushtirdi. U ikki nafar qariyani otib o‘ldirdi va 48 yoshli ayolga og‘ir jarohat yetkazdi.
O‘ldirilganlar erkakning qo‘shnilari bo‘lib chiqdi. Hodisa guvohlariga ko‘ra, erkak avtomobilidan turib o‘q uzgan.
Politsiya keyinchalik mashinani topishga muvaffaq bo‘ldi. Volkswagen furgonining orqa eshigida “Xayl Gitler” yozuvi joylashtirilgandi.
Izoh (0)