Ispaniya La Ligasining 10-turidagi mag‘lubiyat “Real” uchun prinsipial ahamiyat kasb etdi. Kataloniya Ispaniyadan mustaqillikka erishish uchun javlon urayotgan bir paytda, uning shimoliy qismida joylashgan Jirona klubi “Qirollik klubi”ni taslim etgandi.
Ispaniyaning amaldagi chempioni “Real” La Liga debyutanti “Jirona”ga imkoniyatni boy berdi
Vaziyatni o‘nglash mumkinligini bilamiz. Vaqti kelib “Real”da yorqin kunlar bo‘ladi, raqiblari esa ochko yo‘qotadi. Ertami, kechmi, holat o‘zgaradi. Hozir meni hech narsa xavotirga solayotgani yo‘q.“Real”ning Chempionlar Ligasi va La Ligadagi o‘yinlarida farq ko‘rmayapman. Chunki jamoa ichki chempionatda dangasalik qilmoqda, degan fikrga qo‘shila olmayman. Biz kundan-kunga oldinga qadam bosish uchun harakatdamiz. Futbolchilardagi ishtiyoq va o‘yinga bo‘lgan e’tibor o‘zgarmagan.
Zinedin Zidan, “Real” bosh murabbiyi
Madrid yetakchisi taslim qilinganidan so‘ng, “Jirona” futbolchisi Kristian Stuani bolalikdagi kumiri Zidan bilan rasmga tushishga muvaffaq bo‘ldi. “Men uchun afsonaga aylangan Zidan bilan suratga tushganimdan xursandman. Men undan bir umrga minnatdorman”, — deb tvit yozib qoldirdi Stuani. Vaholanki, u 54-daqiqada aynan Zidan boshqarayotgan jamoa darvozasiga gol urishga muvaffaq bo‘lgandi.
Hoy me di el gusto de sacarme esta foto con mi Ídolo desde niño!!!
— Cristhian Stuani (@CristhianStuani) October 29, 2017
Las cosas que el fútbol me ha dado no tiene precio. Gracias Zidane pic.twitter.com/Gth68XgRTX
Biroz o‘tib, Stuani navbatdagi tvitini “dunyoga keltirdi”: “Tarixiy g‘alaba. Agar o‘z kuchingga va imkoniyatlaringga ishonsang, futbolda hamma narsa qilish mumkin. Bu juda ajoyib”.
Triunfo histórico 💪💪
— Cristhian Stuani (@CristhianStuani) October 29, 2017
En el fútbol todo el posible si se cree y se desea con toda la fuerza
Que Grande @GironaFC 🔴⚪️
Golazo ⚽️ pic.twitter.com/xmk2HDx0ww
Keyinroq “Jirona” darvozasiga gol urgan Isko “tilga kirdi”.
Biz hisobda oldinda bora turib, yakunda mag‘lub bo‘lgan g‘alati bir o‘yin bo‘ldi. 2-taymning ma’lum bir vaqtida biz o‘yindan chetga chiqib qolgandik. Raqib esa aynan o‘sha vaqtda 2 ta gol urdi. Vaziyatni o‘nglashga harakat qildik, biroq iloji bo‘lmadi. Biz rejalashtirmaganimiz holda ochko yo‘qotdik.“Real”dan hisobdan chiqarish yaramaydi. Oldinda juda uzun mavsum turibdi.
Isko, “Real” futbolchisi
Ispaniya va Kataloniya o‘rtasidagi nizolar vaqtida “Qirollik klubi”ning taslim etilishi, mustaqillik ilinjida bo‘lgan tomon uchun juda quvonchli bo‘ldi. Hatto, Kataloniya rahbari Karles Puchdemon ham so‘z oldi.
Jirona himoyachisi bo‘lgan Muqaddas Narkis kunida “Real”ning taslim etilgani, g‘alabaning buyukligidan dalolat beradi. Klubni tabriklayman, biz shu ruhda davom etamiz. “Jirona”ning bu yurishi hamma uchun o‘rnak bo‘lishi kerak.Mana shu vaqtda Krishtianu Ronalduga diskvalifikatsiya xavf solayotganini qayd etish kerak. “Jirona” himoyachisi Pere Ponsning yuzini qo‘li bilan turtgan portugaliyalik futbolchining ishi yaqin kunlarda ko‘rib chiqiladi.
Así fue la agresión de Cristiano Ronaldo a Pere Pons que quedó impune en el Girona-Real Madrid https://t.co/rjhIbAiuzl pic.twitter.com/NjpL8pQEgC
— EcoDiario.es (@elecodiario) October 29, 2017
Kazemironing fikrlaridan haqiqiy erkaklik isi kelib turibdi. U oddiy bir vaziyatlarga e’tiroz bildirishni emas, raqibni tabriklash kerakligini uqtirdi.
Biz hozir belgilab olingan maqsaddan ancha uzoqdamiz. Shunga qaramay, sovuqqonlikni saqlashimiz va jiddiy mehnat qilishda davom etishimiz kerak. Bugun “Real” yaxshi futbol ko‘rsatmadi, biz ko‘plab hujumlarga ega bo‘lmadik.Raqibning goli ofsayddan urilgani masalasini chuqurlashtirib, bahona izlash shart emas. Axir, odatdagi kabi golli vaziyatlar sodir eta olmadik. Shunchaki, ajoyib o‘yin ko‘rsatgan “Jirona”ni tabriklash kerak.
Kazemiro, “Real” a’zosi
Izoh (0)