Fotogalereya: O‘z ishini sidqidildan bajaruvchi insonlar

AdMe o‘z ishini shunchaki sidqidildan bajarib, boshqalarga o‘rnak bo‘layotgan insonlarning suratlarini to‘plab taqdim etdi.

Floridalik qutqaruvchilar

Floridada keksa bir inson gazon qirqayotganida yurak xurujini boshidan kechirdi. Yordamga kelgan qutqaruvchilar unga nafaqat tibbiy yordam ko‘rsatishdi, balki gazonini oxiriga qadar ham qirqib qo‘yishdi.

Texaslik politsiyachi

Ushbu politsiyachi “Xarvi” to‘fonidan jabrlanganlarga yordam ko‘ratish maqsadida ko‘plab soat tanaffussiz ishlagan. Oqibatda u ish qilayotgan joyida uxlab qoldi.

Avtorurargoh xizmatchilari

JARdagi shaharlardan birida joylashgan avtoturargoh xizmatchilari nogironlar uchun mo‘ljallangan joyga ushbu belgini o‘rnatishib, muammoga yechim topishdi.

Sartarosh

Sartarosh Mark Bustos asosiy ishidan bo‘sh vaqtida boshpanasiz insonlarning sochini olish bilan shug‘ullanadi.

Do‘kondagi merchendayzer

Do‘kon xodimi Rojdestvo bayramida xaridorlarni xushnud etish uchun ichimliklar qutisidan qorbobo yasadi.

Itlar boshpanasi xodimi

Suratdagi qiz uch yil vaqtini itlar uchun mo‘ljallangan boshpanada ishlashga sarflagan va shundan so‘ng ishini o‘zgartirgan. Ushbu it esa yarim yil davomida qizning qarovida bo‘lgan. Oradan uch hafta o‘tgach it qizni ko‘rib qolib, xursandligidan o‘zini yo‘qotib qo‘ygan.

O‘qituvchi

Suratdagi o‘qituvchi har kuni shifoxonada davolanayotgan o‘zining og‘ir bemor o‘quvchisining yoniga kelib, maktabda o‘tkazib yuborgan narsalarini so‘zlab beradi.

G‘amxo‘r ofitsant

Ushbu ofitsant imkoniyati cheklangan ayolning ovqatlanishiga ko‘maklashdi va shu bilan birga uning turmush o‘rtog‘i ham dam olib olishi uchun imkoniyat yaratdi.

Yoqilg‘i quyish shoxobchasi xodimi

Mayk shoxobchaga kelgan har bir insonning yuziga biroz bo‘lsada tabassum yugurishi uchun shu ko‘rinishda ishlaydi.

Taksichi

Ushbu taksi haydovchisining avtomobili salonida mijozlar uchun barcha narsani topsa bo‘ladi.

Avtobus haydovchisi

Oyoq kiyimining bog‘ichi yechilib ketganligi sabab yiqilib tushishiga bir baxya qolgan kampirga avtobus haydovchisi yordam ko‘rsatmoqda.

Tabassum qilayotgan qutqaruvchi

Shon Vib ismli qutqaruvchini ushbu kadrdan so‘ng “eng xushsurat o‘t o‘chiruvchi” deb atashgan. Shonning bu qadar tabassum qilishiga qo‘lidagi kampirning “Turmushga chiqqanimdan buyon hech kim meni qo‘lida bunday ko‘tarmagan edi”, degani sabab bo‘lgan.