Ergash Soliyev Jizzax viloyati hokimi etib tayinlandi. Bu haqda “Telegraf.uz” xabar bermoqda.

Ergash Soliyev.
Foto: “Championat.asia”

Ergash Soliyev 2016-yil 16-sentabrida Jizzaxda Shavkat Mirziyoyev ishtirokida o‘tkazilgan yig‘ilishda Arnasoy tumani hokimi etib tayinlangan edi.

Jizzax viloyatining avvalgi hokimi Ulug‘bek Uzoqov 2017-yilgi paxta mavsumida hosilga qo‘shib yozishga yo‘l qo‘ygani sababli o‘z vazifasidan ozod etildi.

Ulug‘bek Uzoqovdan tashqari, shu vaqtgacha Toshkent viloyatiga rahbarlik qilib kelayotgan Shukrullo Boboyev ham shu sabab bilan iste’foga chiqarildi.

Xabar berishlaricha, Shukrullo Boboyev o‘rniga O‘zbekiston bosh vaziri o‘rinbosari G‘ulomjon Ibragimov Toshkent viloyati hokimi vazifasini bajaruvchi etib tayinlangan.