Afg‘onistonda vertolyot qulashi oqibatida amerikalik bir harbiy halok bo‘ldi, yana olti kishi tan jarohati oldi. Bu haqda NATOning Afg‘onistondagi missiyasi saytida axborot berilgan.
“RBK”ning xabar berishicha, qulashga dushman hujumi sabab bo‘lmagan. Hozirgi vaqtda aviahalokat sabablari o‘rganilmoqda. Vertolyot ayni vaqtda hukumat kuchlari nazorati ostida bo‘lgan hududga qulagan. Jabrlanuvchilar shifoxonaga yotqizilgan.
“Sinxua” agentligi axborotiga ko‘ra, baxtsiz hodisa Afg‘oniston sharqidagi Lo‘gar viloyatida yuz bergan. Viloyat gubernatori Muhammad Halim Fidoning so‘zlariga ko‘ra, vertolyot harbiy operatsiyada ishtirok etayotgan edi.
Ayni vaqtda, “Tolibon” harakati vertolyot jangarilari tomonidan urib tushirilgani, uning bortida bo‘lgan barcha harbiylar halok bo‘lgani haqida bayonot berib ulgurdi.
Izoh (0)