Xitoyda vodorodda yuradigan dunyodagi birinchi tramvay ishga tushirildi

Xitoy shimoli-sharqidagi Xebey provinsiyasining Tanshan shahrida vodorodli yoqilg‘ida yuradigan tramvaydan foydalanishni boshlashdi, deb yozadi “Sinxua” agentligi. Yangi transportni China Railway Rolling Corporation korporatsiyasi ishlab chiqdi.

Tramvay harakatlanish chog‘ida hech qanday ifloslantiruvchi moddalar ajratmaydi. Yoqilg‘i elementlari ichidagi reaksiya harorati Selsiy bo‘yicha 100 darajadan oshmaydi, shuning uchun azot oksidi hosil bo‘lmaydi. Dvigateldan chiqadigan yagona chiqindi — suv.

Yoqilg‘i quyish taxminan 15 daqiqa davom etadi, u 40 km yo‘l uchun yetadi. Tramvayning eng yuqori tezligi — soatiga 70 km.