Namanganda “Ayollar reproduktiv tizimi a’zolari xavfli o‘smalari profilaktikasi, erta diagnostikasi va davolash” mavzusida O‘zbekiston onkologlarining yillik konferensiyasi o‘z ishini boshladi. Bu haqda viloyat hokimligi axborot xizmati xabar bermoqda.
Sog‘liqni saqlash vazirligi tashabbusi bilan Respublika ixtisoslashtirilgan onkologiya va radiologiya ilmiy-amaliy tibbiyot markazi hamda O‘zbekiston onkologlar assotsiatsiyasi hamkorligida o‘tkazilayotgan anjumanda 300 dan ortiq olim va shifokor ishtirok etmoqda.
Namangan shahar hokimligi majlislar zalida bo‘lib o‘tgan ochilish marosimida viloyat hokimi Xayrullo Bozorov, onkologiya va radiologiya ilmiy-amaliy tibbiyot markazi direktori Mirza-G‘olib Tillashayxov so‘zga chiqib, konferensiya ishiga muvaffaqiyat tiladi.
Anjumanning dastlabki kuni Jahon sog‘liqni saqlash tashkiloti vakili Marils Korbex, Pankaj Kumar Pande (Hindiston), N.Kalmina (AQSh), Kim Jung Xyun (Janubiy Koreya) kabi yetakchi chet el olimlarining ma’ruzalari tinglandi.
Izoh (0)