Toshkent shahridagi “Minor” metro bekati yaqinida Nexia avtomobili ishtirokida yo‘l-transport hodisasi yuz berdi. UzNews’ning xabar berishicha, hodisa oqibatida to‘rt kishi jabrlangan.
Shahar IIBB Yo‘l harakati xavfsizligi boshqarmasidan ma’lum qilishlaricha, burilish joyida Matiz haydovchisi salonida uch qiz va bir yigit bo‘lgan Nexia’ga yo‘l bermagan. Oqibatda Nexia haydovchisi Matiz bilan to‘qnashuvning oldini olish maqsadida katta tezlikda burilib, beton ustunga urilgan.
“Nexia haydovchisining yelkasi chiqib ketgan, u ayni vaqtda shifoxonada davolanmoqda. Hodisani avtobus bekatida kuzatib turgan guvohlardan hech biriga jabr yetmagan”, — deb yozadi UzNews.
Izoh (0)