Yaponiyaning hukmron Liberal-demokratik partiyasi koalitsiya bo‘yicha ittifoqdoshi “Komeyto” partiyasi bilan 1-noyabr kuni parlament sessiyasini chaqirish to‘g‘risida kelishib oldi. Tokioda bo‘lib o‘tgan ikki partiya bosh kotiblari uchrashuvida shunday qaror qabul qilindi, deya xabar beradi “TASS”.
Sessiya 22-oktabr, yakshanba kuni o‘tkazilgan parlament quyi palatasiga yalpi saylovlardan keyingi birinchi sessiyasi bo‘ladi. Unda bosh vazir Sindzo Abe boshchiligidagi hukmron koalitsiya palatadagi 465 o‘rinning uchdan ikki qismidan ko‘prog‘ini qo‘lga kiritdi.
1-noyabrda parlamentda Abe hukumat rahbari lavozimiga qayta saylanishi kutilmoqda. Shu kunning o‘zida u hukumat tarkibini e’lon qiladi. Yomiuri nashri vazirlarning barchasi o‘z lavozimini saqlab qolishini taxmin qilmoqda.
Izoh (0)