Avgustda halok bo‘lgan amerikalik dengizchilar oilalari oradan ikki oy o‘tib AQSh prezidenti Donald Trampdan hamdardlik maktubi oldi. Bu haqda “RIA Novosti” xabar bermoqda.
Dengizchilardan birining otasi 20-oktabrda olingan ushbu maktubga qadar AQSh prezidentidan hech qanday xat-xabar bo‘lmaganini bildirdi.
“Ochig‘ini aytganda, maktub OAVda boshlangan tanqidlar tufayli yozilgangandek taassurot qoldirdi”, — dedi Timoti Eklz.
OAV Trampni halok bo‘lganlarning oilasi bilan gaplashmaganlikda ayblagandi. AQSh prezidenti mazkur ayblovga javoban Barak Obamadan ko‘ra ko‘proq bu bilan mashg‘ul ekanligini ma’lum qildi.
Eslatib o‘tamiz, AQShning “Jon Makkeyn” esminetsi 21-avgust kuni Singapur yaqinida savdo kemasi bilan to‘qnashdi. To‘qnashuv oqibatida 10 nafar dengizchi halok bo‘ldi, 5 kishi yaralandi.
Izoh (0)