20-oktabr, juma kuni Selivan tumanidagi Krasnaya Gorbatka qishlog‘ida, taxminan, soat to‘qqizda, yo‘l harakati politsiyasi Qozog‘iston Respublikasi davlat raqamiga ega Neoplan avtobusini to‘xtatdi. Haydovchi va barcha 55 nafar avtobus yo‘lovchilari O‘zbekiston fuqarosi ekanligi ma’lum bo‘ldi, deb xabar bermoqda “Priziv”.
Avtobus Moskva tomondan yetib kelgan. Inspektorlar noqonuniy transport vositasini boshqargani uchun haydovchilarga 4 ta ma’muriy bayonnomani rasmiylashtirdi. Jumladan, avtobus 1989-yilda ishlab chiqarilgan bo‘lib, faralari ishlamasligi, xavfsizlik kamarlari yo‘qligi, bir o‘qda turli avtoshinalar turganligi qayd etilgan.
Ma’lum qilinishicha, taksograf haydovchining uzoq vaqt davomida dam olmasdan tezlikni oshirganligini qayd etgan. Haydovchining inspektorlarga aytishicha, u Nijniy Novgoroddan O‘zbekistongacha bo‘lgan masofani yakka holda bosib o‘tmoqchi bo‘lgan.
Barcha fuqarolar va avtobus Selivan tumani IIBBga olib ketilgan. Hujjatlarni tekshirish paytida 19 yo‘lovchining Rossiya hududida qolish rejimi buzilganligi aniqlangan.
Eslatib o‘tamiz, Vladimir viloyatidagi YTHdan so‘ng Rossiyada yo‘lovchi tashish bilan shug‘ullanuvchi avtobuslar kuchaytirilgan tartibdagi tekshiruvdan o‘tkazilmoqda.
Izoh (0)