20-oktabr kuni bitkoinning kursi 6 ming dollardan oshdi. Bu haqda CoinDesk kriptovalyuta birjasining ma’lumotlariga asoslanib, “RBK” xabar berdi.

Foto: “Weacom.ru”

Kurs 6,003 dollarga qadar ko‘tarildi. Hozirda bitkoin kapitalizatsiyasi deyarli 99,5 milliard dollarni tashkil etmoqda.

Bundan oldingi rekord 12-oktabr kuni, kriptovalyutaning kursi 5 ming dollarlik marradan o‘tganida qayd etilgandi.

O‘shanda bitkoin kapitalizatsiyasi 84,7 milliard dollardan oshgan.

Ertasiga esa, kriptovalyutaning kursi bir kun davomida 20 foizga o‘sib, 5855 dollarni tashkil etgan edi.

Bitkoin kursi faqat bir marta, 2-sentabr kuni 5 ming dollardan oshgan, biroq sentabr o‘rtalarida Xitoyda barcha ICO (Initial Coin Offering — tangalarni birlamchi joylashtirish, yangi texnologik loyihalarga investitsiya jalb qilish shakli)lar taqiqlangani sabab, 3000 dollarga tushib ketgandi.

Bugungi kunda mashhurligi va qiymati bo‘yicha dunyo ikkinchi o‘rinda Ethereum kriptovalyutasi turadi. CoinDesk ma’lumotlariga ko‘ra, uning qiymati 307,14 dollarni tashkil etmoqda.