Built Robotics amerika startapi mustaqil boshqaruv tizimi bilan jihozlangan traktorni taqdim etdi. 15 million dollar investitsiya olgan firma mazkur traktorning ishini videorolikda namoyish etdi, deb xabar bermoqda “Motor”.
Traktorning mustaqil ishi LIDAR optik dalnomerining takomillashtirilgan talqini asosida ta’minlanadi. Avtomobillarga o‘rnatiladigan qurilmadan uning farqi shundaki, u kuchli tebranish va zarblar sharoitida ishlash uchun maxsus loyihalashtirilgan.
Traktor qurilish maydonida nafaqat mustaqil harakatlanishi, balki belgilangan o‘lchamdagi poydevor uchun chuqur qazishi mumkin. Bajarilgan ishni o‘lchash uchun lazerlardan foydalaniladi.
Yaratuvchilarning ta’kidlashicha, baxtsiz hodisalarning oldini olish uchun tizim traktorning harakat yo‘nalishida turgan odamlarni taniy oladi. Traktorning ish unumdorligi bir necha kishidan iborat jamoaning ish unumdorligiga teng. Yangi traktor charchoq va jarohatlardan xoli bo‘lgani uchun tinimsiz ishlay oladi.
Bunday traktorning qachon seriyali ishlab chiqarilishi va narxining qancha bo‘lishi hozircha noma’lum.
Izoh (0)