Politsiyachilar Rossiya poytaxtidagi Novoslobodskaya ko‘chasida erkak kishini o‘ldirishda gumon qilinayotgan shaxsni qo‘lga oldi. Bu haqda “Moskva” shahar yangiliklari agentligiga huquq-tartibot idoralaridagi manba ma’lum qildi.
“16-oktabr, dushanba kuni Novoslobodskaya ko‘chasidagi 5-uy hovlisida Infiniti mashinasi yonida shu uyda istiqomat qiluvchi 38 yoshli erkakning jasadi topildi. U boshi, ko‘kragi, orqasi va qo‘lidan 6 ta o‘q yeganligi aniqlandi. Mashina Chechenistonda tug‘ilib-o‘sgan 33 yoshli aralash yakkakurashlar jangchisiga tegishli bo‘lib, uni qisqa muddatga boshqa kishiga berib turgandi”, — dedi agentlik manbasi.
Tergov gumonlanuvchi Podolskda yashovchi iste’fodagi IIV podpolkovnigi ekanligini aniqladi. Qotillikka yo‘l talashish tufayli qo‘l urilgan: o‘tish yo‘lini bo‘lisholmagan zobit qasd olishga qaror qildi.
Ichkilikka ruju qo‘ygan podpolkovnik tanishidan vaqtincha olingan yo‘ltanlamasni o‘ziniki sifatida ko‘rsatib kelgani ma’lum bo‘ldi.
Izoh (0)