Yevrokomissiyaning rasmiy vakili Margaritis Sxinas Maltada jurnalist Dafna Karuana Galitsiyaning halok bo‘lishi buyurtma qotillikka o‘xshashini ta’kidlab, surishtiruv o‘tkazishga va jinoyatchilarni jazolashga chaqirdi. Bu haqda “Kommersant.ru” yozmoqda.
“Biz Maltada surishtiruvlarga ixtisoslashgan eng iste’dodli jurnalistlardan birining halok bo‘lishidan larzaga keldik. Noqulay savollar berish va gunohlarni ochish — jurnalistning asosiy vazifasi, bu Yevropa me’yorlari va qonunlari bilan himoyalangan bo‘lib, demokratiyaning asosiy qadriyatlarini aks ettiradi”, — dedi u Bryusselda o‘tkazilgan brifingda.
Jurnalist ayolning o‘limi haqida 16-oktabr kuni xabar berildi. U ijaraga olingan avtomobilda Malta shimolida ketayotganida YTH ro‘y berdi. Portlovchi uskuna mashina ichida bo‘lmay, masofadan portlatilgani taxmin qilinmoqda.
Izoh (0)