Rossiya Federatsiyasining Checheniston Respublikasi rahbari Ramzan Qodirov boshchiligidagi delegatsiya a’zolari Artel Engineering mas’uliyati cheklangan jamiyati mahsulotlari ko‘rgazmasini ko‘zdan kechirdi, deb xabar berdi O‘zA.
Shuningdek, ular Gold Dried Fruits Export mas’uliyati cheklangan jamiyatining ishlab chiqarish salohiyati bilan ham tanishishdi.
Hozirda Checheniston delegatsiyasi Samarqand shahrida bo‘lib turibdi.
Checheniston rahbari Ramzan Qodirov boshchiligidagi delegatsiya 16-oktabr kuni Toshkentga keldi. Ramzan Qodirov shahardagi “Ko‘kcha” masjidida bo‘ldi, shayx Muhammad Sodiq Muhammad Yusuf qabrini ziyorat qildi.
Bundan tashqari, Imom Buxoriy nomidagi Toshkent islom institutida bo‘lib, uning faoliyati bilan tanishdi. Bu oliygohda 1982—1986-yillarda uning otasi — Ahmad Qodirov tahsil olgan.
Izoh (0)