NATOning 8 davlati kemalari Shotlandiya qirg‘oqlarida raketa zarbalariga qarshi mashg‘ulotlar o‘tkazdi

NATOning 8 davlati jangovar kemalari 15-oktabr, yakshanba kuni Shotlandiya qirg‘oqlarida Formidable Shield 17 dengiz mashg‘ulotlarida ishtirok etdi. Bu haqda “TASS” xabar bermoqda.

Kanada, Fransiya, Germaniya, Niderlandiya, Ispaniya, Italiya, Buyuk Britaniya va AQSh kemalaridan iborat guruh mashqlar davomida qator raketa zarbalarini qaytardi.

Jumladan, Ispaniya va Niderlandiya kemalari uch kemaga qarshi raketani bartaraf etdi. AQShning USS Donald Cook esminetsi esa o‘rta masofadagi raketa zarbasini boshqariluvchi zenit raketasi yordamida qaytardi.

AQSh Oltinchi floti va va NATO tomonidan o‘tkazilayotgan Formidable Shield 17 mashg‘ulotlari 18-oktabrga qadar davom etadi.