2018-yildan imtihonlar bir kun emas, 15 kun davom etadi. Test javoblari esa bir kunda chiqadi (video)

2018/2019-o‘quv yilida test jarayoni 15 kun davomida o‘tkaziladi va uning javoblari imtihonning ertasiga chiqadi. Bu haqda Davlat test markazi direktori Majid Karimov ma’lum qildi, deb xabar berdi UZ24.

Test sinovlari shaffof va haqqoniy o‘tishini ta’minlash maqsadida ushbu tizimni takomillashtirish hamda abituriyentlar, ota-onalarga yengilliklar tug‘dirish maqsadida mavjud tizimni isloh qilish talab etildi. Bu bo‘yicha hozirda katta ishlar olib borilyapti. Ya’ni yangi 2018/2019-o‘quv yilidan boshlab, test jarayonini bir kunda emas, 15 kun davomida o‘tkazish, test materiallarini abituriyentlarning o‘ziga berish, natijasini esa imtihonning ertasiga e’lon qilish vazifalari qo‘yilgan. Shuningdek, test jarayonini katta pavilyon, sport majmualarida o‘tkazish, oshkoralikni ta’minlash uchun videokuzatuv hamda onlayn translyatsiyalarni tashkil qilish vazifalari ham qo‘yilgan.

Majid Karimov, DTM rahbari