Avliyo Yelena orolida joylashgan, “jahonning eng befoyda aeroporti” deb ataladigan havo qo‘nalg‘asi birinchi muntazam reysni qabul qildi. Bu haqda “Afisha Daily” xabar bermoqda.
Aeroport JARning SA Airlines aviakompaniyasiga tegishli, Yoxannesburgdan kelgan samolyotni qabul qildi. Uning bortida 78 yo‘lovchi bor edi. Endilikda bu reys har hafta amalga oshirilishi kutilmoqda.
“Befoydalik” bilan bog‘liq maqomni aeroport Buyuk Britaniya hukumati tomonidan 370 million dollarga qurilib, bir yil o‘tganidan so‘ng — 2017-yil mayida birinchi reysni qabul qilgani bois olgan edi.
Izoh (0)