Apple kompaniyasi rahbari Tim Kuk Oksford universiteti talabalari uchun The Foundry startap zonasining ochilishiga tashrif buyurdi. Twitter ijtimoiy tarmog‘i foydalanuvchilari so‘zga chiqqan Tim Kukning shimi cho‘ntagida iPhone X ko‘rinib turganini payqab qolishdi.
Tadbir davomida Kuk o‘zining karyerasi qanday boshlanganini va ish qidirish davomida nimalarga duch kelganini so‘zlab berdi. Shuningdek, uning eslashicha, 1998-yilda Apple’ga ishga kirgan vaqtlarida Stiv Jobs “qo‘l ostida ishlagan barchani haydab yuborgan”. Kuk shundan so‘nggina hayoti bir maromga tushganini tushunib yetgan.
Avgust oyining oxirida Tim Kuk Twitter’ga Apple’ning Sintsinattidagi zavodalaridan biriga tashrifi vaqtida olingan suratini joylashtirgan edi. Ijtimoiy tarmoqning ko‘plab foydalanuvchilari suratga qarab korporatsiya rahbarining shimi cho‘ntagida yangi iPhone borligini taxmin qilgandi.
iPhone X noyabr oyidan boshlab sotuvga chiqariladi. Qurilma 5,8 dyuymli OLED-displey bilan jihozlangan. Shuningdek, smartfonga yangi kamera, simsiz quvvatlantirgich va yuzni tanib oluvchi Face ID tizimi o‘rnatilgan.
Izoh (0)