Serxio Ramos otasiz qolgan kichik Ramos mehmoni bo‘ldi. Uning bu boradagi surati haftaning eng ta’sirli suratlari qatoridan joy oldi.

Foto: Google Images

Taxminan 1,5 oylar muqaddam isroillik serjant Xail Setaui oilasida o‘g‘il farzand dunyoga kelgandi. “Real” himoyachisi Serxio Ramosning muxlisi bo‘lgan ota o‘g‘liga Ramos deb ism berdi. Biroq ikki haftadan keyin ota terrorchilar hujumiga uchrab, halok bo‘ldi.

Ispaniya termasi JCh—2018 saralashidan o‘rin olgan Isroilga qarshi o‘yin uchun kelgandi. Ramos bu voqea haqida eshitishi hamonoq, kichik Ramosni ko‘rish niyatida ekani haqida aytdi va uni bolakay yotgan kasalxonaga olib borishdi. Ramos jajji chaqaloqni qo‘liga oldi, uni shirin so‘zlar bilan erkaladi va esdalik uchun sovg‘alar qoldirib, kasalxonani tark etdi.

Foto: Google Images