Qoraqalpog‘istonda 9 oyda 203 million so‘m iste’molchilar foydasiga qaytarib berildi

Qoraqalpog‘iston Iste’molchilar huquqlarini himoya qilish jamiyatlari federatsiyasiga 2017-yilning dastlabki to‘qqiz oyi davomida kelib tushgan murojaatlar soni 748 tani tashkil etadi. Bu haqda Federatsiyaning matbuot xizmati ma’lum qildi.

Ushbu murojaatlarning 704 tasi ijobiy — iste’molchilar foydasiga hal etilgan. Murojaatlarning 50 foizga yaqini kommunal xizmatlar sohalariga to‘g‘ri kelmoqda. Arizalarining 200 tasi savdo sohasi tegishli.

Qayd etishlaricha, murojaatlarni o‘rganib chiqish natijasida iste’molchilar foydasiga 203 million 460 ming so‘m mablag‘ qaytarib berilgan.

Mazkur summa Qoraqalpog‘iston tumanlari kesimida ko‘rib chiqilsa, 103 million 627 ming so‘m Xo‘jayli tuman iste’molchilar huquqlarini himoya qilish jamiyatiga to‘g‘ri keladi. Mazkur jamiyat faollari iste’molchilardan tushgan 207 ta arizani hal etgan.