Finlyandiyaning HMD kompaniyasi 2018-yil yanvarida Nokia 2, 7 va 9 nomlari ostida kamida uchta smartfonni taqdim etishi kutilmoqda, deb yozadi “Hi-tech.mail.ru”. Yaqinda internetda Nokia 9 ning ishonchli manbalardan tarqalgan yangi tasvirlari va videosi paydo bo‘ldi.
HMD’ning bo’lg‘usi flagmani — Nokia 9 tasvirlarini OnLeaks insayderi e’lon qildi. Ular qurilmaning sanoat chizmalariga asoslangan, ammo bu ular 100 foiz aniq degani emas. Shunga qaramay, renderda naushnik uchun tirqishning yo‘qligini payqash mumkin. Nokia 9 3,5 mm audiotirqish o‘rniga, USB Type-C bilan jihozlanadi.
Bundan tashqari, mish-mishlarga ko‘ra, Nokia 9 5,5 dyuymli (ehtimol qayrilma) displey va orqa paneldagi barmoq izi sensorli datchigiga ega bo‘ladi. Shuningdek, flagman qo‘sh kamerasi va ekran chetidagi ingichka romlari bilan maqtana oladi.
Nokia 9, mish-mishlarga ko‘ra, 749 yevrodan sotuvga chiqadi.
Izoh (0)