Tarqalib ketgan yangi ma’lumotlarga ko‘ra, Samsung kompaniyasi o‘zining arzon lineykadagi smartfonlarini Infinity Display ekrani bilan jihozlashni boshlaydi, deb yozadi “Hi-tech.mail.ru”. Hozirda bunday displey kompaniyaning faqat flagman qurilmalariga o‘rnatiladi.
Internetda paydo bo‘lgan suratda A5 (2018) smartfonining Infinity ekrani bilan jihozlanganini ko‘rish mumkin. Qurilmaning old paneli Galaxy S8 ning “toraytirilgan” versiyasi kabi ko‘rinadi, faqat yon tomonidan qayrilma displeyi yo‘q. Bu yerda Bixby ovozli yordamchisini chaqiradigan tugmani ko‘rish mumkin. Barmoq izi skaneri qurilmaning orqa paneliga joylashtiriladi.
Galaxy A7 (2018) ham taxminan xuddi shunday ko‘rinishga ega bo‘ladi, faqat ekrani kattaroq bo‘ladi.
Izoh (0)