GM qovoq yuzasiga Camaro ZL1 1LE modelini qanday tasvirlash lozimligini ko‘rsatib berdi

General Motors konserni uchun orginal qismlarni yetkazib beruvchi kompaniya Xellouin bayrami uchun Chevrolet Camaro ZL1 1LE kupesining ko‘rinishini qovoq yuzasiga chizish qo‘llanmasini taqdim etdi. Ushbu hujjat kompaniyaning rasmiy saytiga joylashtirildi, deb xabar berdi “Motor”.

Foto: “Motor”

Qismlarni yetkazib beruvchi kompaniya qo‘llanma bilan birgalikda Camaro’ni qovoq yuzasida kesishni ko‘rsatgan trafaretni ham taqdim etdi. U uch xil rangda ishlangan. Qora qismlari tishli pichoq yordamida butunlay qirqib olinishi lozim, kulrang joylari uchun qovoqning yuzasidan ozgina qirqiladi, oq qismiga esa umuman teginmaslik kerak.

Foto: “Motor”

Qo‘llanma yaratuvchilarining ta’kidlashicha, maksimal natijaga erishish uchun qovoq yuzasini tozalash, shaklni tasvirlash uchun esa yalpoqroq tomoni tanlash kerak.

Xellouin bayrami 31-oktabr kuni nishonlanadi. Bayram Buyuk Britaniya, Irlandiya, AQSh va Kanadada mashhurlikka ega. Ushbu kunda karnaval kostyumlarini kiyib olib, qo‘shnilarnikiga shirinlik so‘rab tashrif buyurishadi.

↓ KEYINGI XABAR ↓
Boshiga chiqing