Xalqaro kosmik stansiya Yer atrofida soniyasiga 7 kilometr tezlikda harakatlangan sabab unchalik katta bo‘lmagan obyektlarni suratga olish oson emas. Ular qatoriga shartli ravishda Everestni ham kiritish mumkin: ko‘zga ko‘rinarli “gorizontal” hududlarni egallagan shahar, dengiz yoki sahrolardan farqli o‘laroq, 8848 metrli tog‘ koinotdan turib qaralganda boshqa tepaliklar orasida shunchaki nuqtadek ko‘rinadi, deb xabar berdi National Geographic.

Foto: “Roskosmos” / Sergey Ryazanskiy

Yaqinda “Roskosmos” kosmonavti Sergey Ryazanskiy Xalqaro kosmik stansiya bortidan turib Everestni suratga olishga muvaffaq bo‘ldi.

NASA astronavtlari ham bu turda suratlarni bir necha bor olgan. 2002-yilda Deniel Bursh Everestning suratini taqdim etgan edi:

Foto: NASA / Dan Bursch

2003-yilda afsonafiy tog‘ astronavtlarning kamerasi obyektivi tomonidan yana bir bor tarixga “muhrlandi”:

Foto: NASA

26-ekipaj tomonidan 2011-yilda Everestning ajoyib surati olingan:

Foto: NASA