Amerikaning Minnesota shtatida yashovchi dehqon Kristofer Kvalli yetishtirgan dunyodagi eng yirik sabzi Ginnesning rekordlar kitobiga kiritildi. Bu haqda UPI xabar bermoqda.

Sabzavotning og‘irligi 10, 18 kilogramm bo‘lib, bu sobiq rekord natijadan bir kilogramm va olti grammga og‘irroqdir.

Kvalli o‘z muvaffaqiyati sirini yerning unumdorligi, urug‘, qulay ob-havo sharoiti va biroz omadda, deb biladi.

Dehqon ulkan sabzini yemaslikka qaror qildi va uni qaytadan ekib qo‘ydi.

Biroq, uning qaynonasi sabzidan bir bo‘lak ta’tib ko‘rishga muvaffaq bo‘lgan. “Qaynonam dunyodagi eng yirik sabzidan ta’tib ko‘rgan yagona inson sifatida tanilishi mumkin”, — deydi Kvalli.