Kichik biznesga kaolinni boyitish va unga dastlabki ishlov berish uchun ruxsat berildi

Vazirlar Mahkamasining qarori bilan Kichik tadbirkorlik subyektlariga tegishli bo‘lgan tashkilotlar tasnifiga o‘zgartirishlar kiritildi, deb yozadi Norma.

“Shag‘al va qum konlarini qazish, gil va kaolin qazib olish” 08.02 sinfiga quyi sinflar kiritildi, bular:

• 08.12.0 “Shag‘al va qum konlarini qazish”;
• 08.12.1 “Gil va kaolin qazib olish”;
• 08.12.2 “Kaolinni va boshqa kaolinli gillarni boyitish va ularga dastlabki ishlov berish”;
• 08.12.9 “Boshqa kategoriyalarga kiritilmagan boshqa konlarni qazish”.

Bungacha 08.12 sinfi faqat bitta quyi sinfdan iborat bo‘lib, unga shag‘al va qum konlarini qazish va faqat gil va kaolinni qazib olish kiritilgan edi. Shu tariqa, ushbu faoliyat turiga aniqlik kiritildi va kengaytirildi.