“Tolibon” harakatining yetakchilaridan biri Haybatulla Oxunzoda tarafdorlarini IShID jangarilariga qarshi kurashni to‘xtatishga chaqirdi. Bu haqda Afg‘oniston maxsus xizmatlariga tayanib, 1tvnews telekanaliga ma’lum qildi, deya xabar beradi “Kommersant”.
Telekanal manbasiga ko‘ra, Oxunzoda Hilmand viloyatining Muso-qal’a tumanida bo‘lganida toliblarga shunday ko‘rsatma bergan.
“Muso-qal’ada Oxunzodaning toliblarning rahbarlik kengashi — Kvetta sho‘rosi a’zolari bilan uchrashdi. Unda Afg‘onistonning shimoliy, janubiy va sharqiy viloyatlari ‘gubernatorlari’ ham ishtirok etdi”, — dedi Afg‘oniston xavfsizlik boshqarmasi vakili.
Oldinroq “Tolibon” IShIDning Afg‘onistonda bo‘lishiga qarshi chiqib kelgan, ikkiyuzlamachilikda ayblab, “kofirlar qo‘g‘irchog‘i” deb atagandi.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Izoh (0)