Andijon viloyati Ulug‘nor tumani hokimi Asilbek Yusupov 6-oktabrga o‘tar kechasi xastalikdan vafot etdi. Bu haqda “Kun.uz” xabar bermoqda.

Foto: “Kun.uz”

Xabar berishlaricha, Asilbek Yusupov 3-oktabr kuni miyaga qon quyilishi tashxisi bilan kasalxonaga yotqizilgan. U kasalxonada jon bergani aytilmoqda.

Asilbek Yusupov 2017-yilning 22-fevral kuni Ulug‘nor tumani hokimi etib tayinlangan edi.

Tuman hokimi etib tayinlanguniga qadar esa Moliya vazirligi huzuridagi sug‘oriladigan yerlarning meliorativ holatini yaxshilash jamg‘armasini boshqarish departamenti direktori lavozimida ishlagan.