Rossiya samolyotlari Suriyada IShIDning qator nufuzli qo‘mondonlarini yo‘q qildi

Rossiya havo-kosmik kuchlari Suriyada IShID terrorchi guruhining bir qator yetakchilarini yo‘q qildi. Ular asosan Shimoliy Kavkaz vakillari edi, deb xabar qiladi “TASS”.

Rossiya mudofaa vazirligi rasmiy vakili Igor Konashenkovga ko‘ra, o‘ldirilganlar orasida xavfli terrorchi Abu Umar ash-Shishoniy ham bo‘lgan.

“As-Sukariya hududida oldinroq amalga oshirilgan raketa zarbasi natijalari bo‘yicha qo‘shimcha razvedka ishlari bir necha kun davom etdi, buning natijasida IshID boshqaruv punkti u yerda turgan 30 dan ortiq jangari bilan birga yo‘q qilindi”, — aniqlashtirdi harbiy amaldor.

IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.