“Rossiya energetika haftaligi — 2017” xalqaro forumidagi nutqida Putindan o‘zining Ilon Maskning elekromobilini haydayotganini tasavvur qila olish-olmasligi haqida so‘rashdi, deb yozadi TJournal. Prezident “Nima uchun tasavvur qila olmas ekanman?” deb javob berdi va Yaponiya va Amerikada ishlab chiqarilgan shunga o‘xshash avtomobillarni minib ko‘rganini va ular unga yoqqanini aytdi.
Ammo so‘ng Putin mashinalar uchun elektr energiyasi istiqbollariga shubha bildirdi va gazni “qiziqroq yoqilg‘i” deb hisoblashini aytdi. Uning so‘zlariga ko‘ra, elektromobillarda ishlatiladigan elektr tokini ishlab chiqarish uchun baribir dastlabki manba kerak bo‘ladi, “bugun esa birinchi raqamli bunday manba neft ham emas, balki ko‘mir hisoblanadi”.
Putinning fikricha, gaz motorli avtomobillar “elektromobillarga nisbatan ekologikroqdir”. U agar gaz avtomobil transportida to‘g‘ridan-to‘g‘ri ishlatilsa, “umuman olganda bu shunchaki elektromobildan ko‘ra yashilroq energetika” bo‘lishini aytdi.
Jurnalistlar Putinning gaplarini tekshirib ko‘rdi va ko‘mir haqiqatan ham elektr stansiyalar uchun dunyodagi eng ommabop yoqilg‘i ekanligini aniqladi. Ammo jurnalistlar ta’kidlashicha, neft elektr stansiyalar uchun yoqilg‘i sifatida deyarli qo‘llanilmaydi.
Shuningdek, Putin gaz yoqilg‘isi “shunchaki elektromobildan ko‘ra ekologikroq” deb adashdi. AQSh energetika vazirligi ma’lumotlariga ko‘ra, gaz benzindan bor-yo‘g‘i 6—11 foizgagina ekologikroq.
Izoh (0)