O‘zbekistonlik 9 bokschi Qozog‘istondagi turnir yarim finaliga yetib keldi
Qozog‘istonning Aktau shahri boks bo‘yicha xalqaro xotira turniriga mezbonlik qilmoqda. Uning tafsilotlari bilan “Olamsport” nashri tanishtirdi.
Hisob bo‘yicha beshinchi bor o‘tkazilayotgan turnirning barcha vazn toifasida o‘zbekistonlik charm qo‘lqop ustalari ringga chiqqan. 10 nafar o‘zbekistonlik bokschidan faqatgina bittasi — 52 kilogrammgacha vazn toifasida chempionlik uchun kurash olib borayotgan Fozil Abdumurodov mag‘lubiyatga uchragan.
Qolgan 9 nafar bokschi yarim finalga qadar yetib keldi: Mironshoh Ibragimov, Murod Ahmadaliyev, Elnur Abduraimov, Mahmud G‘oipov, Madiyor Saidrahimov, Isroil Madrimov, Otabek Xolmatov, Sanjar Tursunov, Bahodir Jalolov.
Bektemir Meliqo‘ziyev, Jasur Latipov, Shahram G‘iyosov, Iqbol Xoldorov, Hasanboy Do‘stmatov kabi bokschilar Qozog‘istonga tashrif buyurmagan.
