Las-Vegasda 58 kishini hayotdan olib ketgan amerikalik Stiven Peddok mehmonxonaning 32-qavatida joylashgan xonasi atrofiga, shuningdek, koridorlarga kuzatuv kameralarini o‘rnatib chiqqan bo‘lgan. CNN’ning ma’lum qilishicha, u kameralar yordamida xona atrofini kuzatgan, deb xabar berdi Meduza.
Kameralardan biri Peddokning mehmonxonadagi xonasining eshigiga o‘rnatilgan kuzatuv tirqishiga yo‘naltirilgan bo‘lgan. Ulardagi tasvirlar qayerga uzatilganini ma’lum qilinmadi.
Avvalroq xabar qilinganidek, Peddokning xonasiga maxsus topshiriqli bo‘linma xodimlari bostirib kirganiga qadar u o‘z joniga qasd qilgan. Nomerdan o‘nlab qurol va pistoletlar topilgan. Ularning 12 tasi shunday modifikatsiya qilingan bo‘lganki, qurollardan yarimavtomat holatda soniyasiga bir necha bor o‘q uzish imkonini bergan.
Bunga qadar halok bo‘lganlar soni 59 kishi deb keltirilayotgan edi, biroq politsiyaning tasdiqlashicha, otishma oqibatida halok bo‘lganlar soni 58 kishini tashkil etadi.
Izoh (0)