Qozog‘istonda yana benzin qimmatladi. Bu haqda “1news.uz” xabar bermoqda.
Kazakhstan Today manbalariga ko‘ra, yoqilg‘i quyish shoxobchalarida AI-92 benzini bir litri 146 tengedan 151 tengegacha (0.43—0.44 dollar) sotilmoqda.
AI-95 benzini bir litrini 155 —164 tenge (0.45—0.48 dollar) atrofida xarid qilish mumkin. AI-98 benzini bir litri narxi esa 181 tengegacha (0.53 dollar) ko‘tarilgan.
AYoQSh xodimlarining bildirishicha, narxlar 1-oktabr, yakshanbaga o‘tar kechasi o‘zgardi.
Qayd etish joizki, Qozog‘istonda sentabr oyi boshida ham benzin bahosi ko‘tarilgandi. O‘shanda AI-92 benzini bir litri uchun 144 dan 147 tengegacha narx belgilangandi. Shuningdek, AI-95 benzini bahosi ham oshgandi.
Izoh (0)