Iroq Kurdistonining Arbil va Sulaymoniya shaharlari aeroportlaridan barcha xalqaro parvozlar to‘xtatiladi. Bu haqda Iroq fuqarolik aviatsiyasi boshqarmasi ma’lum qildi, deya xabar beradi “RIA Novosti”.
“29-sentabr, soat 18.00 dan boshlab Arbil va Sulaymoniyaga parvozlar va ulardan uchishlar tegishli xabargacha to‘xtatiladi. Iroq aviakompaniyalarining ichki reyslari bundan mustasno”, — deyiladi boshqarma press-relizida.
Iroq hukumati 26-sentabr, seshanba kuni mintaqa rasmiylari avtonomiyada joylashgan aeroportlarni uning nazoratiga topshirmaguncha Iroq Kurdistoni bilan xalqaro aviaqatnov man etilishini bildirgandi.
Izoh (0)