Venesuela AQSh bilan muzokaralarga intilmoqda, ammo Amerika tomonidan ehtimoliy hujumga shu yo‘l bilan javob qiladi. Bu haqda Venesuela tashqi ishlar vaziri Xorxe Arreasa BMT Bosh Assambleyasi umumsiyosiy muhokamalaridagi nutqidan keyin jurnalistlarga ma’lum qildi, deb yozadi “TASS”.
U o‘z fuqarolarining AQShga kirishi cheklanishini “yangi tajovuz akti” deb atadi. “Biz Tramp ma’muriyati bilan kanallar qidiryapmiz, muzokaralarga kirishmoqchimiz. O‘ylamasdan ish qilishga va aqlsizlarcha xatti-harakatlarga nuqta qo‘yishimiz kerak”, — dedi vazir.
Uning so‘zlariga ko‘ra, Venesuela — “o‘zining sotsialistik demokratiyasini qurayotgan suveren mamlakat”. “Biz muzokaralar uchun ochiqmiz, biroq hujumga uchrasak, shu yo‘l bilan javob ham beramiz. Bu hech qachon yuz bermaydi deb umid qilamiz”, — deya ta’kidladi Xorxe Arreasa.
Izoh (0)