Xitoy hukumati WhatsApp messenjerida xabarlarni bloklab qo‘ydi, deb yozadi TJournal The New York Times’ga tayanib. Nashr taxmin qilishicha, bunday qaror Xitoy Kommunistik partiyasining 18-oktabrdagi 19-qurultoyi arafasida qabul qilingan.
Parijning Symbolic Software kompaniyasi xodimi Nadim Kobeissi aytib berishicha, hukumat bloklash uchun maxsus uskunani ishlab chiqqan, messenjer ishidagi nosozliklar esa o‘tgan haftaning o‘rtalaridan boshlangan. U bloklashning bunday usuli “Xitoy hukumatiga xos emasligi”ni aytdi.
WhatsApp’ga egalik qiluvchi Facebook vakillari vaziyatni izohlashdan bosh tortdi.
Gonkong universitetidagi internet-kommunikatsiyalar bo‘yicha mutaxassis Lokman Suy aytishicha, WhatsApp 24-sentabr, yakshanba kuni uzilishlar bilan ishlab qolgan. Ammo ba’zi foydalanuvchilar hali ham dastur orqali xabar yubora olmoqda.
Shuningdek, WhatsApp’ning bloklanishi haqida Weibo ijtimoiy tarmog‘i foydalanuvchilari ham ma’lum qildi.
Izoh (0)