Gretsiyadagi kasaba uyushmalari qarori bilan barcha OAVlarda qo‘shimcha ijtimoiy sug‘urta tizimini saqlab qolish, soha xodimlari mehnat va ijtimoiy huquqlarini poymol etishni to‘xtatish talab qilingan 24 soatli ish tashlash bo‘lib o‘tmoqda. Bu haqda “RIA Novosti” xabar berdi.
26-sentabr, seshanba soat 6:00 dan ertasiga shu vaqtgacha radio va televideniyeda yangiliklar chiqmaydi, aksariyat saytlar ishlamayapti.
Kasaba uyushmalari bayonotida hukumat va ish beruvchilar bilan bir yil davomida o‘tkazilgan muzokaralarda Edoeap Jurnalistlarning qo‘shimcha sug‘urta va yordam yagona tashkilotini qutqarish uchun hech narsaga erishilmadi. Mazkur fond tufayli jurnalistlar qo‘shimcha pensiya, zarurat bo‘lganda moliyaviy yordam va tibbiy xizmatga ega bo‘layotgandi.
Oxirgi yillarda fond moliyaviy inqiroz tufayli qiyinchiliklarga duch kelmoqda. Ish beruvchilar esa uning ishiga to‘sqinlik qilib, badal to‘lashni to‘xtatib qo‘ydi.
Izoh (0)